აშშ-ს პრეზიდენტმა დონალდ ტრამპმა განაცხადა, რომ ჩრდილოეთკორეელ ლიდერს კიმ ჩენ ინს აშშ-ში დაპატიჟებს, თუკი სინგაპურში დაგეგმილი შეხვედრა წარმატებით დასრულდება – “სიენენი” ავრცელებს. “თუკი მოლაპარაკებები კარგად ჩაივლის, მაშინ, კი” – უპასუხა ტრამპმა შეკითხვაზე, აპირებს თუ არა ის კიმ ჩენ ინის ამერიკაში დაპატიჟებას. მან ასევე დაამატა, რომ თუკი ჩრდილოეთ კორეელი ლიდერი ამერიკაში ჩავა, შეხვედრა თეთრ სახლში გაიმართება.
ტრამპ-კიმ ჩენ ინის სამიტი 12 ივნისს სინგაპურშია დაგეგმილი. მანამდე გავრცელდა, რომ კიმ ჩენ ინს საკუთარი ლიკვიდაციის ეშინია შეხვედრაზე ან შეხვედრის შემდეგ.
