რუსეთთან ურთიერთობის საკითხებში პრემიერის სპეციალური წარმომადგებელის ზურაბ აბაშიძის განცხადებით, საქართველო აქტიურად მონაწილეობს ტერორიზმის წინააღმდეგ საერთაშორისო ძალისხმევაში.
აბაშიძე რუსეთის საგარეო საქმეთა მინისტრის სერგეი ლავროვის განცხადებას გამოეხმაურა, სადაც ის აცხადებს, რომ “ისლამური სახელმწიფოს” ტერორისტები წვრთნებს პანკისის ხეობაში გადიან. აბაშიძის თქმით, ეს განცხადება რეალობას არ ასახავს.
„პრემიერმა აღნიშნა დღეს, რომ არანაირი საფრთხე პანკისის ხეობიდან არ მომდინარეობს ტეროროზმის თვალსაზრისით. მთავრობა აკონტროლებს ადგილზე ვითარებას. მოგეხსენებათ, საქართველო აქტიურად მონაწილეობს ტერორიზმის წინააღმდეგ საერთაშორისო ძალისხმევაში. ვფიქრობთ, რომ ეს განცხადება არ ასახავს რეალურ ვითარება. თვითონ რუსული ოფიციალური ინფორმაციით, რუსეთიდანაა რამდენიმე ათასი ადამიანი წასული სირიაში, სადაც ისინი ტერორისტების არმიას შეუერთდნენ. რამდენიმე კაცია პანკისიდან გასული, თუკი რომელიმე დაბრუნდება და დადასტურდება მისი მონაწილეობა ტერორისტულ საქმიანობაში, აღიძრება სისხლის სამართლის საქმე“, – განაცხადა აბაშიძემ.