ბრიუსელის სახანძრო-სამაშველო სამსახურის ოფიციალურმა წარმომადგენელმა პიერ მეისმა განაცხადა, რომ ექსტრემალურმა სამსახურმა 112, თვითმფრინავებზე ბომბების არსებობის შესახებ ინფორმაცია ბრიუსელის საავადმყოფოდან მიიღო.
“სავარაუდოდ, საუბარია განზრახ ტყუილზე” – განაცხადა მეისმა. ამასთანავე, მან აღნიშნა, რომ ჯერჯერობით, უცნობია რომელი საავადმყოფოდან შევიდა ზარი.
ორივე თვითმფრინავი მშვიდობიანად დაეშვა აეროპორტებში, ოსლოდან მომავალი თვითმფრინავი – ბრიუსელში, ხოლო მაროკოს რეისი – საფრანგეთის ქალაქ ტულუზაში.
შეგასხენებთ, დღეს საღამოს, ბრიუსელის აეროპორტში გამოცხადდა განგაში. გავრცელებული ინფორმაციის თანახმად, ბრიუსელისკენ მიმავალ ორ სამგზავრო თვითმფრინავში, სავარაუდოდ, ბომბის აფეთქების საშიშროება იყო.