თურქეთში საქართველოს ხუთი მოქალაქე დააკავეს. როგორც თურქული მედია იტყობინება, დაკავებულ ქართველებს პოლიციელის მკვლეობაში ედებათ ბრალი. მოკლული 45 წლის ჩეთინ შაჰინია
ინციდენტი თურქეთის ქალაქ მარმარისში მოხდა. ადგილობრივი პრესის ცნობით, დილის 06:00 საათზე უცნობი პირები სამართალდამცველის კუთვნილი ავტომობილის გატაცებას ცდილობდნენ, რა დროსაც ჩეთინ შაჰინმა მათთვის წინააღმდეგობის გაწევა სცადა. თურქული მედია წერს, რომ სამართალდამცველს ცივი იარაღით სამი ჭრილობა ჰქონდა მიყენებული. ის საავადმყოფოში მიყვანისას გარდაიცვალა.
როგორც ადგილობრივი მედიასაშულებები აღნიშნავენ, დაკავებული ქართველები სხვა დანაშაულების ჩადენაშიც არიან ეჭვმიტანილები.
