18 ათასზე მეტი ადამიანია დაკავებული თურქეთში მომხდარი წარუმატებელი სამხედრო გადატრიალების შემდეგ – განაცხადა ქვეყნის შს მინისტრმა ეფკან ალამ ადგილობრივ ტელევიზიასთან ინტერვიუში.
დაკავებულთაგან 9677 ადამიანი სასამართლოს ელოდება – განაცხადა მინისტრმა. დაახლოებით 50 ათას ადამიანს პასპორტი გაუუქმდა.
თურქეთში მომხდარი სამხედრო გადატრიალების მცდელობისას, მინიმუმ 232 ადამიანი დაიღუპა, რამდენიმე ათასი დაიჭრა.
