თურქეთის ხელისუფლებამ მიიღო გადაწყვეტილება, რომლის მიხედვით ქვეყნის 19 პროვინციაში კანაფის მოყვანა და წარმოება ნებადართული ხდება. შესაბამის სამწლიან ლიცენზიას ფერმერებს გასცემს სოფლის მეურნეობის სამინისტრო. მწარმოებლებმა უნდა წარადგინონ ცნობა, რომ წარსულში არ არიან ნასამართლევი. 19 პროვიანციას შორის არიან ანტალია, იზმირი, რიზე, სინოპი, სამსუნი. ხელისუფლება იმედოვნებს, რომ კანაფის წარმოების ლეგალიზაცია ხელს შეუწყობს სამედიცინო და სამეცნიერო საქმიანობებს.
