“თურქეთისთვის რუსეთთან თანამშრომლობა მნიშვნელოვანია, მაგრამ ეს არ ნიშნავს იმას, რომ საქართველოსა და უკრაინაზე პოზიციები გადაიხედება ” – ამის შესახებ თურქეთის საგარეო საქმეთა მინისტრმა მევლუტ ჩავუშოღლუმ განაცხადა – თურქული “ანადოლუ” ავრცელებს.
“ჩვენ საქართველოს და უკრაინის ტერიტორიულ მთლიანობას მხარს ვუჭერთ. ჩვენ უკრაინის მიწებზე ანექსიას არ ვაღიარებთ” – თქვა მინისტრმა. მისი თქმით, რუსეთთან დიალოგი მრავალი კონფლიქტის დარეგულირების საშუალებას იძლევა და იმედი გამოთქვა, რომ აშშ უკვე დაშვებულ შეცდომებს კიდევ ერთხელ არ დაუშვებს.
