თურქეთის საზღავრთან 35 ათასი ადამიანი დახმარებას ელოდება. ისინი სირიელი დევნილები არიან, რომლებმაც თავი დააღწიეს ალეპოს რეგიონში მიმდინარე ბრძოლებს. ქალაქ ალეპოსა და მიმდებარე ტერიტორიებზე შეტევა სირიის სამთავრობო ძალებმა რუსული ავიაციის დახმარებით გუშინ დაიწყეს, რის შემდეგაც ანკრას ინფორმაციით, თურქეთის საზღვართან დევნილთა რაოდენობა ორჯერ გაიზარდა და 35 ათასს მიაღწია. მათი საზღვარზე გატარება თურქეთს ევროკავშირმაც მოსთხოვა. განცხადება ფედერიკა მოგერინიმ გააკეთა და ანკარას მიგრანტების კრიზისთან დაკავშირებით აღებული ვალდებულებები შეახსენა.
