თურქეთის საგარეო საქმეთა მინისტრმა მევლუტ ჩავუშოღლუმ განაცხადა, რომ სირიის პრეზიდენტმა ბაშარ ასადმა დაუყოვნებლივ უნდა დატოვოს პოსტი, რომ ქვეყანაში შექმნილი კონფლიქტის დარეგულირების ახალი გზები გამოინახოს.
“ასადის რეჟიმი სრულიად უნდა გადადგეს. პირველად არ ხდება, რომ ასადის ქიმიურ იარაღს იყენებს. ქიმიურ იარაღს თუ არ ჩავთვლით, სხვა იარაღებით – საჰაერო დაბომბვებით, კასეტური ბომბით და კონვენციონალური იარაღით მან უკვე ერთი მილიონი ადამიანი დახოცა” – თქვა ჩავუშოღლუმ და დაამატა: “ბაშარ ასადმა დაუყოვნებლივ უნდა დათმოს პოსტი და ჩვენ უნდა გავაგრძელოთ პოლიტიკური პროცესი”.
11 აპრილსვე თურქეთის პრემიერ-მინისტრმა ბინალი იილდირიმმა რუსეთს მოუწოდა სირიის გამო კონფლიქტი შეწყვიტოს.
