საქართველოს თავდაცვის მინისტრი თინა ხიდაშელი გერმანიის ფედერაციული რესპუბლიკის ბუნდესტაგის პრეზიდენტის მოადგილეს იოჰანეს ზინგ-ჰამერს შეხვდა. ეს შეხვედრა ქართულ-გერმანული სტრატეგიული ფორუმის ფარგლებში გაიმართა.
მხარეებმა საქართველოსა და გერმანიას შორის ორმხრივი ურთიერთობების, ნატოში ინტეგრაციის, ვიზა ლიბერალიზაციისა და თავდაცვის სფეროში თანამშრომლობის საკითხები განიხილეს.
თინა ხიდაშელი ბერლინში რიგით მე-5 ქართულ გერმანულ სტრატეგიულ ფორუმს საპატიო სტუმრის სტატუსით ესწრება. შეხვედრაზე რეგიონში არსებულ უსაფრთხოების ვითარებაზე ისაუბრეს.