იმის თაობაზე, თუ რატომ არ ჩამოართვა აშშ-ის პრეზიდენტმა, დონალდ ტრამპმა პროტოკოლური ფოტოგადაღებისას ხელი გერმანიის კანცლერ, ანგელა მერკელს, თეთრი სახლი განმარტებას აკეთებს.
აშშ-ის პრეზიდენტის ადმინისტრაციის პრეს-მდივანის ვარაუდით, ამერიკის ლიდერმა გერმანიის მთავრობის ხელმძღვანელის შეკითხვა, უბრალოდ, ვერ გაიგო.
შეგახსენებთ: შემთხვევა 17 მარტს, ორი ქვეყნის ლიდერების შეხვედრაზე მოხდა. აშშ-ში ჩასვლისას, როცა მერკელი თეთრ სახლში მივიდა, ლიდერებმა ერთმენეთს ხელი ჩამოართვეს, თუმცა ჟურნალისტების თხოვნით, დონალდ ტრამპმა ეს ჟესტი კიდევ ერთხელ არ გაიმეორა.
ამასთან, ანგელა მერკელი პრეზიდენტს მიუბრუნდა და კითხა: „გნებავთ, ხელი ჩამოგართვათ?“, მაგრამ ტრამპს ამაზე რეაქცია არ ჰქონია. მოგვიანებით, ტრამპმა “ტვიტერის” საკუთარ ბლოგზე დაწერა, რომ მას და მერკელს ძალიან კარგი შეხვდრა ჰქონდათ.
