თელავი-გომბორის დამაკავშირებელ გზაზე, სადაც ბენზინმზიდი აფეთქდა, გარემოსდაცვითი ზედამხედველობის დეპარტამენტის სპეციალისტები მივლენ.
როგორც ჟურნალისტებს გარემოსდაცვითი ზედამხედველობის დეპარტამენტში განუცხადეს, დეპარტამენტის კახეთის რეგიონული სამმართველოს წარმომადგენლები ადგილზე გავიდნენ. მათივე ინფორმაციით, ჯერჯერობით უცნობია რა მდგომარეობაა ადგილზე.
თელავი-გომბორის დამაკავშირებელ გზაზე ბენზინმზიდი აფეთქდა. სოფელ კობაძესთან მძღოლმა საჭე ვერ დაიმორჩილა, გზის სავალ ნაწილიდან გადავიდა და ამობრუნდა, რის შემდეგაც აფეთქდა. მომხდარის შედეგად არავინ დაშავებულა. მძღოლმა მანქანიდან გადმოსვლა მოასწრო.
