,,თეა წულუკიანი რა პრინციპით დარჩა პოსტზე და რაში დაიხარჯება სამინისტროების შემცირებით გამოთავისუფლებული თანხები?” – სერგი კაპანაძე

ქეთი ფერაძე
: ქეთი ფერაძე ნოემბერი 13, 2017 12:15

,,თეა წულუკიანი რა პრინციპით დარჩა პოსტზე და რაში დაიხარჯება სამინისტროების შემცირებით გამოთავისუფლებული თანხები?” – სერგი კაპანაძე

მასშტაბური ცვლილებები მთავრობაში – დღეს გამართულ ბრიფინგზე პრემიერ-მინისტრმა დეტალებზე ისაუბრა. აღნიშნულს სოციალური ქსელის საშუალებით „ევროპული საქართველოს“ წევრი სერგი კაპანაძე ეხმაურება:

“გთავაზობთ სამთავრობო ცვლილებების მოკლე შეფასებას. ოღონდ, მანამდე უნდა ვთქვათ, რომ სრული შეფასებისთვის უნდა გავიგოთ რაში დაიხარჯება ის თანხები, რაც გამოთავისუფლდება სამინისტროების შემცირებით. თუ ეს თანხები დაიხარჯა ისევ ბიუროკრატიულ აპარატზე და სამინისტროები კი არ გაუქმდა, არამედ მექანიკურად შეერწყა, მაშინ აზრი არ აქვს ასეთ გაუქმებას. თუ თანხები გამოთავისუფლდა, მაშინ ის მიმართული უნდა იყოს ერთი მხრივ სოციალური ფონის გასაუმჯობესებლად და მეორე მხრივ, გადასახადების შემცირებით მიღებული დანაკლისის შესავსებად და ეკონომიკის სტიმულირებისთვის. ამას სულ მალე ვნახავთ. დიდი ეჭვი მაქვს, რომ არც ერთი მოხდება და არც მეორე.

პოზიტიური:

– სპორტის და ახალგაზრდობის, ენერგეტიკის და სოფლის მეურნეობის სამინისტროები ნამდვილად გასაუქმებელი იყო.

– ჯეჯელავა მინისტრი აღარ იქნება.

– აღარც უაღრესად სუსტი მღებრიშვილი.

ნეგატიური:

– ბატონი ბახტაძე, უნდა გვახსოვდეს, რომ ხელმძღვანელობდა ბოლო წლების ყველაზე წარუმატებელ უწყებას – რკინიგზას. მისი ხელძღვანელობის პერიოდში, 2013-2016 წლებში, წინა სამ წელთან შედარებით რკინიგზის მოგება სამჯერაა შემცირებული და 87 მლნ დოლარზეა ჩამოსული. გარდა ამისა, მისი ხელმძღვანელობისას, 2015 წელს რკინიგზამ ზარალი (!!!) ნახა, რაც უპრეცედენტოა ბოლო წლებში. შესაბამისად, მისი ფინანსთა მინისტრობა რატომ იქნება წარმატებული, ჩემთვის გაუგებარია

– სუსი ისევ გაძლიერდა, ამჯერად საგარეო დაზვერვის შერწმის შედეგად. არადა ეს უწყებაა, პირველ რიგში, გასაუქმებელი/შესამცირებელი

– ევროპული და ევრო-ატლანტიკური საკითხების სახელმწიფო მინისტრის აპარატის ფუნქცია ევროკავშირისთვის საჭირო შიდა რეფორმების კოორდინაცია იყო. ერთია, ამას თავს რამდენად ართმევდა ეს სამინისტრო და მინისტრი, მაგრამ მეორეა, საგარეო საქმეთა სამინისტრო რამდენად არის ის უწყება, რომელიც ასეთ ფუნქციას წარმატებით აიღებს თავის თავზე. შიდა რეფორმებს და საგარეო პოლიტიკას შორის ძალიან დიდი სხვაობაა.

– ბატონი გახარია, ჩემი აზრით, ერთ-ერთი წარუმატებელი მინისტრი იყო. ახლა მისი შსს-ში გადაყვანა რატომ იქნება მენეჯმენტის კუთხით გარღვევა, სრულიად გაუგებარია.

და ბოლოს:

თეა წულუკიანი რა პრინციპით დარჩა თანამდებობაზე? საინტერესოა, რა გააკეთა ამ წლების განმავლობაში ისეთი, რომ არასოდეს არაფერი ეხება ჩემს წინა პოსტში და ოთარ კახიძის პოსტში შეგიძლიათ ნახოთ მისი უამრავი გაფუჭებული საქმე. აი, გაკეთებულს კი ვერ ვიხსენებ”, – აცხადებს სერგი კაპანაძე.

ქეთი ფერაძე
: ქეთი ფერაძე ნოემბერი 13, 2017 12:15

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


15,732
ვიზიტორი
დღეში
Powered By Google Analytics