„თბილსერვის ჯგუფი“ საგანგებო რეჟიმში მუშაობს

დედაქალაქის მერიის ინფორმაციით, შპს „თბილსერვის ჯგუფი“ მუშაობას საგანგებო რეჟიმში განაგრძობს.

მერიის ცნობით, თბილისსა და მის შემოერთებულ ტერიტორიებზე მთელი ღამის განმავლობაში მობილიზებული იყო ტექნიკა, იწმინდებოდა გზები, იყრებოდა ტექნიკური მარილი, აღნიშნული პროცესი, ამ ეტაპზეც, აქტიურ რეჟიმში მიმდინარეობს.

სამუშაოები თბილისის მერმა დავით ნარმანიამ გვან ღამითვე მოინახულა. ამ დროისათვის, დედაქალაქის მასშტაბით, სატრანსპორტო საშუალებებით გადაადგილება შეუფერხებლად არის შესაძლებელი. პრობლემის შემთხვევაში გთხოვთ დარეკოთ შპს “თბილსერვის ჯგუფის” ცხელ ხაზზე: 2 61 90 50.

შპს “თბილსერვის ჯგუფი” მოუწოდებს მოსახლეობას, გამოიჩინონ სიფრთხილე და თავი შეიკავონ ზაფხულის საბურავებიანი ავტოტრანსპორტით გადაადგილებისგან.

banner
წინა სტატიაშისაქართველოს დელეგაცია ევროსაბჭოს საპარლამენტო ასამბლეის სხდომაზე გაემგზავრა
შემდეგი სტატიასაქართველოში 27 იანვრამდე ყინვებია მოსალოდნელი