თბილისში, მარჯვენა სანაპიროზე ავტოსაგზაო შემთხვევას ხუთი ადამიანი ემსხვერპლა. ერთმანეთს რუსეთიდან ერევანში მიმავალი ავტობუსი და მსუბუქი ავტომობილი შეეჯახა. გარდაცვლილები საქართველოს მოქალაქეები არიან. დაღუპული არიან მსუბუქ ავტომანქანაში მსხდომი მგზავრები და მძღოლი.
შსს-ს ცნობით, მომხდარზე გამოძიება სსკ-ის 276-ე მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.