თავისუფალი უნივერსიტეტის ბიზნესის ადმინისტრირების II კურსის სტუდენტი, გიორგი ბასაძიშვილი, სექტემბრიდან სწავლას ბელგიის ყველაზე პრესტიჟულ ,,KU Leuven” უნივერსიტეტში გააგრძელებს. გიორგის უნივერსიტეტიდან უკვე მოუვიდა ჩარიცხვის და დაფინანსების წერილი. KU Leuven ევროპის ყველაზე ინოვაციური უნივერსიტეტია და ამ მიმართულებით Cambridge-ისა და Oxford-ის უნივერსიტეტებს უსწრებს.
გიორგის ინტერესის სფეროა ხელოვნური ინტელექტი და მისი მიზანია ინოვაციურ სტარტაპებზე მუშაობა.
გიორგი თავისუფალ უნივერსიტეტში 100%-იანი გრანტით იყო ჩარიცხული და ის უკვე მუშაობს კომპანია Palatine Analytics-ში, რომელიც ჰარვარდელი სტუდენტების მიერაა დაარსებული.