“თავისუფალი საქართველო” არასაპარლამენტო ოპოზიციას მიმართავს. პარტიის ლიდერი კახა კუკავა ოპოზიციურ პარტიებსა და დამოუკიდებელ კანდიდატებს კვირის ბოლომდე მიმდინარე კონსულტაციების დასრულებისკენ და ერთიანი კანდიდატების წარდგენისკენ მოუწოდებს როგორც თბილისში, ასევე რეგიონებში.
კუკავა პირველ რიგში “ლეიბორისტულ პარტიას”, “დემოკრატიულ მოძრაობასა” და “პატრიოტთა ალიანსს” მიმართავს.
“თავისუფალი საქართველო” მიმდინარე კვირის ბოლომდე დაელოდება ოპოზიციური პარტიების საპასუხო პოზიციას, რის შემდეგაც, მომავალ კვირას დამოუკიდებლად ან პარტნიორებთან ერთად დაიწყებს საარჩევნო კამპანიას.
