“თავისუფალი დემოკრატების” გორის მაჟორიტარობის კანდიდატმა შესაძლოა არჩევნებში მონაწილეობა არ მიიღოს და პარტია დატოვოს. ამის შესაძლებლობა თამაზ შიოშვილმა არ გამორიცხა, თუმცა განაცხადა, რომ საბოლოო გადაწყვეტილება ჯერ არ მიუღია. შიოშვილის განცხადებით, იგი დეტალურ კომენტარს დღის ბოლოს გააკეთებს.
ირაკლი ალასანიას პარტიამ შიოშვილი გორის მაჟორიტარობის კანდიდატად 15 მაისს წარადგინა. წარდგენიდან მალევე, თამაზ შიოშვილმა საარჩევნო კამპანია დაიწყო და მოსახლეობას აქტიურად ხვდებოდა.
