გერმანული მედიის ცნობით, ავღანეთის ჩრდილოეთით ქალაქ მაზარი-შარიფში გერმანიის გენერალურ საკონსულოზე ტავდასხმა მოხდა, რომლის შედეგადაც სულ ცოტა 29 ადამიანი მძიმედაა დაჭრილი.
გავრცელებული ინფორმაციით, ტერორისტული ორგანიზაცია ,,თალიბანის,, წევრებმა გერმანიის საკონსულოსთან დანაღმული ავტომობილი ააფეთქეს… აფეთქება, როგორც თვითმხილველები ჰყვებია, იმდენად ძლიერი იყო, რომ მისი ხმა მთელი ქალაქის მასშტაბით ისმოდა. აფეთქების შედეგად დაჭრილები (რომელთა ვინაობაც არ სახელდება) ადგილობრივ საავადმყოფოში არიან გადაყვანილი, აცხადებს გერმანული მედია.
