დღეს, საქართველოს ეროვნული გმირის, გიორგი ანწუხელიძის დაბადების დღესთან დაკავშირებით მუხათგვერდის ძმათა სასაფლაოზე საქართველოს თავდაცვის მინისტრი, ლევან იზორია და საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე იმყოფებოდნენ.
საქართველოს თავდაცვის მინისტრმა და გენერალური შტაბის უფროსმა დაღუპული გმირის ხსოვნას პატივი მიაგეს და საფლავი ყვავილებით შეამკეს. ეროვნული გმირი ოჯახის წევრებმა და საქართველოს თავდაცვის სამინისტროს მაღალჩინოსნებმაც გაიხსენეს.
