“დგანან და ელიან ქვეყნის მარცხს! უსაზღვროა მათი ლოდინი!თუმცა განწირული მარცხისთვის მათთვის და წარმატებისთვის ქვეყნისთვის!“-ასე უპასუხა თავდაცვის მინისტრმა თინა ხიდაშელმა “დემოკრატიული მოძრაობის” ლიდერის ნინო ბურჯანაძის განცხადებას, რომ ვიზალიბერალიზაციასთან დაკავშირებით მოსახლეობას არ ეუბნებიან ბოლომდე სიმართლეს და ქმნიან ყალბ მოლოდინებს.
შეგახსენებთ, რომ ნინო ბურჯანაძემ ვიზალიბერალიზაციასთან დაკავშირებით განცხადება გააკეთა და განაცხადა, რომ ჩვენს მოსახლეობას არ ეუბნებიან ბოლომდე სიმართლეს. ხელისუფლება ქმნის ყალბ მოლოდინებს. უკვე გაჩნდა ახალი მოსაზრებები, რომ ვიზალიბერალიზაციის საკითხი მიებმება არჩევნების ჩატარების საკითხს. ეს უკვე ძალიან სერიოზული ნიშანია იმისა, რასაც მე ვამბობდი, რომ სამწუხაროდ, დიდი ალბათობით, ვიზალიბერალიზაცია პრობლემური იქნება ჩვენი ქვეყნისათვის”, – განაცხადა ნინო ბურჯანაძემ.