ტაივანში, მიწისძვრით დაღუპულთა რაოდენობა 55-მდე გაიზარდა – ამის შესახებ ადგილობრივი მედია იუწყება. ადრე 35 დაღუპულზე იყო ინფორმაცია გავრცელებული. ამასთავანე, 80 ადამიანის ბედი ჯერჯერობით უცნობია.
აღინიშნება, რომ 53 ადამიანის სხეული 17 სართულიანი შენობის ნანგრევებში იქნა აღმოჩენილი, რომელიც მიწისძვრის შედეგად თითქმის სრულიად ჩამოინგრა.
“როიტერსის” მიერ გავრცელებული ინფორმაციით, ფირმები, რომლებიც 17 სართულიანი შენობის აშენებაში იღებდნენ მონაწილეობას, გაუფრთხილებლობით სიკვდილის გამოწვევის ბრალდებით არიან დაკავებულები. წინასწარი ვერსიით, შენობა უხარისხო მასალით იყო აშენებული, რამაც გამოიწვია მისი დანგრევა.
შეგახსენებთ, რომ ტაივანში გასულ შაბათს, 6 თებერვალს მოხდა 6,4 მაგნიტუდის სიმძლავრის მიწისძვრა.