Don’t shoot the painter ასეთი პლაკატი კიდია ჭიშკარზე, რომლის იქითაც მე-18 საუკუნის მდიდრული ვილა დგას – ეს მილანის თანამედროვე ხელოვნების გალერეაა. პირველი შტაბეჭდილებაც ზუსტად ამ შენობიდან გექმნება – ის თავისთავად მილანის ერთ-ერთ მნიშვნელოვან ადგილად ითვლება – მე-19 საუკუნეში სრული ტერიტორია თავის ბაღებიანად საფრანგეთის იმპერატორს ნაპოლეონ ბონაპარტს აჩუქეს, ამიტომ მას «ბონაპარტის ვილას» ეძახიან ადგილობრივები.
გალერეაში ხელოვნების 2500-მდე ნიმუშია და იტალიელ მხატვრებთან ერთად აქ ნახავთ პიკასოს, მანეს, რენუარის, მატისის, მოდილიანის შედევრებს.
1849 წელს ზუსტად აქ დაიდო ისტრიული ავსტია-ლომბარდიის ხელშეკრულება «მილანური მშვიდობა».
გალერეა 1868 წელს მარკიხ ფოლიანის მიერ დაარსდა და საბოლოოდ ის საყვარელ ქალაქს საჩუქრად გადასცა, თუმცა თვითონ გალერეა პირველად 1921 წელს გაიხსნა და ლომბარდიელი მეცენატების წყალობით ყოველწლიურად შემოწირული ახალ-ახალი შედევრების წყალობით იმდენი ნახატი დაგროვდა, რომ მილანის მოედანზე მე-20 საუკუნის მუზეუმს გადასცეს კოლექციის ნაწილი.
დღეს გალერეაში შეგიძლიათ ნახოთ და გაოცდეთ ისეთი მხატვრების შემოქმედებით, როგორებიც არიან ფრანგი გოგენი, ვან გოგი, სეზანი, სისლეი, იტალიელი ანტონიო კანოვა, სილვესტრო ლეგა, დომენიკო ინდუჰო, ჯოვანი სეგანტინი, მოზე ბიანკი, ვინჩენცო ჯემიტო და სხვები.
ეკატერინე ლემონჯავა სპეციალურად “თაიმერისთვის”
