სტრუქტურული ცვლილებების პროექტი- არასამთავრობოების განცხადება

ქეთი ფერაძე
: ქეთი ფერაძე ნოემბერი 14, 2017 10:37

სტრუქტურული ცვლილებების პროექტი- არასამთავრობოების განცხადება

არასამთავრობო დარგობრივი ორგანიზაციები ერთობლივ განცხადებას ავრცელებენ, რომელშიც დადებითად აფასებენ მთავრობის მიერ გაცხადებულ სტრუქტურული ცვლილებების პროექტს. მესამე სექტორის წარმომადგენლები იმედს გამოთქვამენ, რომ მთავრობის მიერ გაცხადებულ სტრუქტურული ცვლილებები ქვეყნის ეკონომიკის განვითარებაზე დადებითად აისახება.

„დადებითად ვაფასებთ მთავრობის მიერ გაცხადებულ სტრუქტურული ცვლილებების პროექტს, რომლის შედეგად რამდენიმე სამინისტროს გაერთიანება იგეგმება. აღნიშნული ცვლილებების დაწყება და სწორი განხორციელება ხელს შეუწყობს ბიუროკრატიული ხარჯების დაზოგვასა და მთავრობის ეფექტურობის გაზრდას.
ვფიქრობთ, ცალკე აღნიშვნის ღირსია ბატონ გიორგი გახარიას მინისტრობის პერიოდში ეკონომიკისა და მდგრადი განვითარების სამინისტროში განხორციელებული პოზიტიური სისტემური რეფორმები, რომლებმაც შეუქცევადი გახადა მუდმივი რეფორმირებისა და განახლების პროცესი და შექმნა საქმიანი საზოგადოებისათვის სერვისების ერთი ქოლგის ქვეშ მოქცევის წინაპირობები.
პროექტით გათვალისწინებული ეკონომიკური კომპონენტების ერთი ქოლგის ქვეშ მოქცევა კი, ჩვენი აზრით, უფრო მეტად დააჩქარებს გადაწყვეტილებების მიღების პროცესს და ხელს შეუწყობს სამომავლოდ დაგეგმილი პროექტების უფრო ეფექტურად და მოკლე ვადებში იმპლემენტაციას.
ამასთან, გვინდა წარმატება ვუსურვოთ ბატონ დიმიტრი ქუმსიშვილს და ბატონ მამუკა ბახტაძეს. იმედს ვიტოვებთ, რომ ეს ცვლილებები გრძელვადიან პერსპექტივაში მნიშვნელოვან როლს შეასრულებს ქვეყნის ეკონომიკის განვითარებისა და საინვესტიციო კლიმატის უფრო მეტად გაუმჯობესებაში“, – ნათქვამია განცხადებაში, რომელსაც ხელს 13 ორგანიზაცია აწერს:

„დამსაქმებელთა ასოციაცია“

„საქართველოს ბანკების ასოციაცია“

„საქართველოს მიკრო საფინანსო ასოციაცია“

„მცირე და საშუალო ბიზნესის ასოციაცია“

„ევროკავშირი – საქართველოს ბიზნესსაბჭო“

„ინფრასტრუქტურის მშენებელთა ასოციაცია“

„საქართვლოს ფერმერთა ასოციაცია
მწარმოებელთა ფედერაცია“

„ხორბლისა და ფქვილის მწარმოებელთა ასოციაცია“

„საქართველოს თხილის გადამამუშავებელთა და ექსპორტიორთა ასოციაცია“

„მეცხვარეთა ასოციაცია“

„საქართველოს ჩაის მწარმოებელთა ასოციაცია“

„საქართველოს დისტრიბუტორთა ასოციაცია“

„საქართველოს რესტორატორთა ასოციაცია“.

ქეთი ფერაძე
: ქეთი ფერაძე ნოემბერი 14, 2017 10:37

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,430
ვიზიტორი
დღეში
Powered By Google Analytics