სტამბოლში საქართველოს საკონსულოში ცხელი ხაზია გახსნილი. როგორც სტამბოლში საქართველოს კონსულმა ირაკლი ასაშვილმა განაცხადა, გუბერნიის ოფისთან , სადაც საგანგებო შტაბია გახსნილი, საკონსულო მუდმივ კონტაქტზეა და ამ დროისთვის არსებული ინფორმაციით, ქალაქში მომხდარი აფეთქების შედეგად დაღუპულთა და დაშავებულთა შორის საქართველოს მოქალაქეები არ არიან.
კონსულის ინფორმაციით, სტამბოლში ამ დროისთვის უსაფრთხოების ზომები გაძლიერებულია.