სტამბოლის ცენტრში მომხდარი ტერაქტის შედეგად დაშავებულთა რიცხვი 36–მდე გაიზარდა, მათ შორის 12 უცხოელია. ისინი გერმანიის, ისრაელისა და ირანის მოქალაქეები არიან. დაღუპულია 4 ადამიანი. რამდენიმე დაშავებული კრიტიკულ მდგომარეობაშია.
თავდასხმა ტურისტულ ადგილას დილით მოხდა. ისტიკლარის ქუჩაზე, სადაც საავტომობილო მიმოსვლა აკრძალულია, სავაჭრო ცენტრებია განთავსებული და ყოველთვის განსაკუთრებული ხალხმრავლობაა.
აფეთქება თვითმკვლელმა ტერორისტმა მოაწყო, თუმცა პასუხისმგებლობა ჯერჯერობით არც ერთ დაჯგუფებას არ აუღია.
თავდასხმასთან კავშირის ბრალდებით სამართალდამცველებმა უკვე დააკავეს ერთი ეჭვმიტანილი.
