მოვუწოდებ საპატრულო პოლიციას, გაასაჯაროოს, სად ვიმყოფებოდი და რას ვაკეთებდი 2011 წლის 26 მაისს! – ასე ეხმაურება უფლებადამცველი ზვიად კუპრავა ინტერნეტმედიაში გავრცელებულ კადრებს, რომელსაც ის სუს-ის მიერ გავრცელებულ პროვოკაციას უწოდებს.
„სუსის საგენტოების მიერ ვრცელდება 26 მაისის ვიდეო და ამტკიცებენ, თითქოს ამ ვიდეოში არსებული ერთ-ერთი პირი არის ზვიად კუპრავა
სრული პასუხისგებლობით ვაცხადებ, რომ სუსის უსუსური მცდელობა, თითქოსდა ეს პირი ვარ მე – არის ტყუილი!
უფრო მეტიც, 26 მაისს რუსთაველის გამზირზე ფიზიკურად არ ვყოფილვარ!
მოვუწოდებ საპატრულო პოლიციას, რომლის თანამშრომელიც ვიყავი 2008-2013 წლებში, გაასაჯაროოს, სად ვიმყოფებოდი და რას ვაკეთებდი 2011 წლის 26 მაისს!
ეს არის პირველი და უკანასკნელი კომენტარი ამ საკითხზე.“ – წერს კუპრავა.
ცნობისათვის, ზვიად კუპრავა 2008-2013 წლებში იყო საპატრულო პოლიციის თანამშრომელი, ხოლო აღნიშნულ ფოტოზე აღბეჭდილ პიროვნებას, დეტექტივის ფორმა აცვია.