სენაკის მუნიციპალიტეტში მდებარე სოფელ თეკლათში 85 წლის მარტოხელა მოხუცი მამაკაცი გაძარცვეს. ალექსანდრე ადამიას თქმით, 2 თავდამსხმელი მას ბლაგვი იარაღით ფიზიკურად გაუსწორდა. დამნაშავეებმა 80 ლარი წაიღეს.
დაზარალებული ქუთაისის საავადმყოფოში გადაიყვანეს სადაც მას ერთი საათის წინ ყბა-სახის ოპერაცია ჩაუტარდა.
დაზარალებული მომხდარს პირად ანგარიშსწორებას უკავშირებს, თუმცა გამოძიება ძარცვის მუხლით მიმდინარეობს.
