სომხეთი ოფიციალურად გაწევრიანდა ევრაზიის ეკონომიკურ კავშირში. ხელშეკრულებას ხელი 2 იანვარს მოეწერა.
ევრაზიის ეკონომიკური კავშირის წევრები არიან რუსეთი, ბელორუსი და ყაზახეთი. შესაბამისი შეთანხმება 2014 წლის ოქტომბერში გაფორმდა.
ბიბისის ცნობით, გასულ წლის ოქტომბერში ხელმოწერილი დოკუმენტის შედეგად, 2022 წლამდე ერევანი ევრაზიული კავშირის ერთიან საბაჟო ტარიფზე გადავა. წლის ბოლომდე ევრაზიული კავშრის წევრი გახდება ყირგიზეთიც.
ევრაზიული კავშირის პროექტი აქტიურად განიხილებოდა რუსეთის მიერ დსთ-ს სივრცეში. უფრო ადრე კი აშშ-ს ყოფილმა სახელმწიფო მდივანმა ჰილარი კლინტონმა ევრაზიულ კავშირს საბჭოთა კავშირის აღდგენის მცდელობა უწოდა.
