სომხეთის თავდაცვის სამინისტროს პრეს-მდივანმა, არცრუნ ოვანისიანმა განაცხადა, რომ სომხეთი “ადეკვატურ დარტყმებს გაანხორციელებს”, თუკი აზერბაიჯანი მთიან ყარაბახში სროლებს არ შეწყვეტს – რუსული მედია წერს.
“აზერბაიჯანის თავდაცვის მინისტრის ბრძანება მხოლოდ იმას ნიშნავს, რომ ბაქოში მხოლოდ ახლა მიხვდნენ, რომ საომარი მოქმედებები მიდის. მაგრამ აზერბაიჯანში უნდა იცოდნენ, რომ სომხური მხარე უფრო ძლიერ შეტევაზე გადავა” – განაცხადა ოვანესიანმა და დაამატა, რომ მინისტრის პირველმა მოადგილემ პირადად მიაწოდა ეუთოს წარმომადგენელს ბაქოს მუქარის შესახებ ინფორმაცია.
როგორც აზერბაიჯანული გამოცემა minval.az-ი წერს, აზერბაიჯანის თავდაცვის მინისტრმა პირობა დადო, რომ მთიანი ყარაბახის სტეპანაკერტის და სხვა რაიონებში საომარი ოპერაციის დაწყებაზე გასცემს ბრძანებას, თუკი სომხეთი აზერბაიჯანელებით დასახლებული პუნქტებზე სროლებს არ შეწყვეტს.
