სოციალურ ქსელებში გავრცელდა ვიდეო და ფოტო, სადაც ალეპოში დაბომბვის დროს დაშავებული მცირეწლოვანი ბიჭუნა ჩანს. კადრებში ჩანს, როგორ ამოყავთ მაშველებს ნანგრევებიდან ბავშვი და სასწრაფო დახმარების მანქანაში სვამენ მას. ბიჭუნას ასაკი 4-5 წელია. მასთან ერთად ავიაიერიშისას კიდევ ოთხი ბავშვი დაშავდა.
დიდ ბრიტანეთში ბაზირებული “სირიის ადამიანის უფლებათა ობსერვატორიის” ინფორმაციით, ალეპოს აღმოსავლეთ ნაწილში, ამბოხებულების მიერ კონტროლირებად ალ-ქათერჩის რაიონში ავიადარტყმას სამი ადამიანი ემსხვერპლა, 12 კი დაშავდა, მათ შორის ხუთი ბავშვი.