ეგვიპტეში, სინაის სახევარკუნძულის ქალაქ ელ-არიშში, ერთ-ერთ სასტუმროსთან მომხდარ ორ აფეთქებას მინიმუმ სამი ადამიანი ემსხვერპლა, დაშავებულია 12 ადამიანი.
ეგვიპტური მედიის ცნობით, სასტუმროსთან, სადაც საარჩევნო კომისიის წევრები იმყოფებოდნენ, ჯერ დანაღმული ავტომობილი აფეთქდა, ათი წუთის შემდეგ კი კიდევ ერთი აფეთქება განხორციელდა. ადგილზე მუშაობენ სამართალდამცველები, სამხედროები და სასწრაფო დახმარების ბრიგადები.
როგორც „როიტერი“ იტყობინება, დაღუპულთაგან ერთი პოლიციელია. აფეთქებებზე პასუხისმგებლობა ჯერჯერობით არცერთ დაჯგუფებას არ აუღია.