შსს-მ სისხლის სამართლის 101 და ადმინისტრაციულ სამართალდარღვევათა 769 ფაქტი გამოავლინა

news
: news თებერვალი 22, 2016 10:17

შსს-მ სისხლის სამართლის 101 და ადმინისტრაციულ სამართალდარღვევათა 769 ფაქტი გამოავლინა

შინაგან საქმეთა სამინისტროს ინფორმაციით, საპოლიციო კონტროლის შედეგად, სისხლის სამართლის 101 და ადმინისტრაციულ სამართალდარღვევათა 769 ფაქტი გამოვლინდა.

შსს-მ, დანაშაულის პრევენციის და საზოგადოებრივი წესრიგის დაცვის მიზნით, პოლიციის შესახებ საქართველოს კანონის შესაბამისად, მთელი ქვეყნის მასშტაბით, სპეციალური საპოლიციო კონტროლი განახორციელა.

ცენტრალური კრიმინალური პოლიციის დეპარტამენტისა და შსს-ს ტერიტორიული დანაყოფების მიერ, 2016 წლის 18-19 თებერვალს განხორციელებული საპოლიციო კონტროლის შედეგად, დაკავებული იქნა 3 ძებნილი პირი და ქვეყანაში არალეგალურად მყოფი რუსეთის 1 მოქალაქე.

გამოვლენილია სისხლის სამართლის დანაშაულის 101 ფაქტი, მათ შორის:

1.ცეცხლსასროლი იარაღის მართლსაწინააღმდეგო შეძენა-შენახვა-ტარების 20 ფაქტი;

2.ნარკოტიკების უკანონო შეძენა-შენახვა-ტარების 15 ფაქტი;

3.ნარკოტიკების განმეორებით უკანონო მოხმარების 24 ფაქტი;

4.ქურდობის 28 ფაქტი;

სამართალდამცველებმა გამოავლინეს ადმინისტრაციულ სამართალდარღვევათა 769 ფაქტი, მათ შორის:

1.ნარკოტიკების უკანონო მოხმარების 71 ფაქტი;

2. წვრილმანი ხულიგნობის 7 ფაქტი;

3.დაუმორჩილებლობა/წვრილმანი ხულიგნობის 38 ფაქტი;

4.ცივი იარაღის ტარების 34 ფაქტი;

5.საზოგადოებრივ ადგილებში ალკოჰოლის სმის 30 ფაქტი;

სხვადასხვა სახის სამართალდარღვევის 589 ფაქტი.

შსს-ს ინფორმაციით, სამართალდამცველებმა, ჩატარებული ღონისძიებების შედეგად, 4 ავტომატი, 1 შაშხანა, გადაჭრილი სანადირო თოფი, 5 პისტოლეტი, 57 ხელყუმბარა, 4 კაპსულ-დეტონატორი და სხვადასხვა კალიბრის 732 ვაზნა ამოიღეს. ასევე, ამოღებულია 73 აბი „სუბუტექსი“, 1 შეკვრა „ბუპრენორფინი“, 5 შეკვრა „ბიო“, 6 აბი და აბის ნატეხი „სუბოქსინი“, 3 გრამი ჰეროინი, 2 შეკვრა მარიხუანა და 1 შეკვრა მცენარეული მასა.

შედეგად, სისხლის სამართლის დანაშაულისთვის დაკავებულ იქნა 37 პირი, მათ შორის: 11 პირი – სსკ-ს 260-ე მუხლით, 7 პირი – სსკ-ს 236-ე მუხლით, 14 პირი – სსკ-ს 177-ე მუხლით, 2 პირი – სსკ-ს 273-ე მუხლით, 2 პირი – სსკ-ს 353-ე მუხლით და 1 პირი – სსკ-ს 117-ე მუხლით.

news
: news თებერვალი 22, 2016 10:17

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,165
ვიზიტორი
დღეში
Powered By Google Analytics