შინაგან საქმეთა სამინისტრო არ ადასტურებს გავრცელებულ ინფორმაციას, თითქოს ფოთში, რაგბის სტადიონზე მატჩის დასრულების შემდეგ მომხდარი ჩხუბის დროს ბათუმის გუნდის მსაჯი, 21 წლის ნიკო ამაშუკელი დაჭრეს.
როგორც შსსში აცხადებენ, ამაშუკელმა ფეხი წაქცევის შედეგად დაიზიანა და შესაბამისად, ფაქტზე გამოძიება არ დაწყებულა.
თუმცა ვრცელდება ინფორმაცია, რომ თბილისისა და ბათუმის გუნდებს შორის მატჩის დარსულების შემდეგ ინციდენტი მოხდა. თბილისის “არმიის” დამარცხების შემდეგ თბილისელთა გუნდის მენეჯერმა ნიკო ამაშუკელი დაჭრა. ასევე არსებული ინფორმაციით, ნიკო ამაშუკელი ფოთის საავადმყოფოში გადაიყვანეს, თუმცა მას სიცოცხლისთვის საშიში დაზიანება არ აღმოაჩნდა. ამასთან, ადგილზე მისულ ჟურნალისტებს ინფორმაცია არავინ დაუდასტურა.
