საქართველოს შინაგან საქმეთა სამინისტროს ინფორმაციით, ფოთში გეგმური საპოლიციო კონტროლი მიმდინარეობს. როგორც უწყებაში განმარტავენ, ეს არის გეგმური საპოლიციო კონტროლი და “განსაკუთრებული არაფერი ხდება”.
შეგახსენებთ, რომ ფოთში პოლიციის რეიდები მიმდინარეობს. ნიღბიანი და ავტომატებით შეიარაღებული სამართალდამცავები ავტომანქანების მძღოლებს აჩერებენ და მათი ვინაობით ინტერესდებიან. ასევე, ითხოვენ მგზავრთა დოკუმენტაციას.
საქმეში საპატრულო პოლიციის თანამშრომლებიც არიან ჩართული. რეიდები რამდენიმე საათის წინ დაიწყო და ამ წუთებშიც გრძელდება. ფოთის პოლიცია რეიდების მიზეზს არ აკონკრეტებს.
