შინაგან საქმეთა სამინისტრომ ტელეკომპანია „ტაბულას“ თანამშრომლების ცემის ფაქტზე, გამოძიება დაიწყო. გამოძიება სისხლის სამართლის კოდექსის 125-ე მუხლით მიმდინარეობს, რაც ცემას გულისხმობს.უწყებაში მომხდარის შესახებ სხვა დეტალებზე არ საუბრობენ.
რესტორან „ჭაშნაგირში“ „ტაბულას“თანამშრომლებს დღეს საღამოს თავს დაეხნენ. აღნიშნული ინფორმაცია შესაბამის ფოტოსთან ერთად, ტელეკომპანიის ერთ-ერთმა თანამშრომელმა ლევან სუთიძემ გაავრცელა.
მისი განცხადებით, თავდამსხმელებმა მათ ფიზიკური შეურაცხყოფა რელიგიურ თემატიკაზე გაკეთებული გადაცემებისა და რეპორტაჟების გამო მიაყენეს.
ადგილზე საპატრულო პოლიცია გამოიძახეს.