გონიოს სანაპიროზე მკვდარი დელფინების გამორიყვის ახალი ფაქტები არის დაფიქსირებული.
სპეციალისტების განცხადებით შემთხვევები ვირუსულ ინფექციას უკავშირება. პირველადი დათვალიერებით დელფინებს დაზიანებები არ აღენიშნებათ.
სარფიდან განმუხურამდე, შავი ზღვის სანაპიროზე დელფინების გამორიყვის ეს 25-ე შემთხვევაა.
გარემოს ეროვნული სააგენტოს ინფორმაციით, მიზეზი მორბილ-ვირუსული ინფექციაა, რომელიც მსგავსი მასშტაბით შავ ზღვაში 2012 წლის შემდეგ არ დაფიქსირებულა.
აჭარის გარდა, 20-ზე მეტი შემთხვევა დაფიქსირდა აფხაზეთში.
სპეციალისტები ვარაუდობენ, რომ მსგავსი შემთხვევები განმეორდება, ამიტომ ისინი მოსახლეობას მოუწოდებენ, გამორიყულ ცხოველებთან შეხებას მოერიდონ.
