შანხაის საერთაშორისო აეროპორტში გაჩენილ ხანძარს მსხვერპლი მოჰყვა. გავრცელებული ინფორმაციით, ცეცხლი ერთ-ერთი ტერმინალის სარდაფში გაჩნდა და 100 კვადრატული მეტრის ფართს მოედო, რის შედეგადაც დაიღუპა 2 და დაშავდა 5 ადამიანი. ტერმინალში ევაკუაცია გამოცხადდა. აეროპორტის ადმინისტრაცია აცხადებს, რომ ცეცხლი სავარაუდოდ სარეკონსტრუქციო მასალებს მოედო, რომლებიც ტერმინალში დაგეგმილი სარემონტო სამუშაოებისთვის სარდაფში ინახებოდა.