რუსი ოკუპანტების მიერ აფხაზეთის ტერიტორიაზე მოკლული გიგლა ოთხოზორიას პანაშვიდზე, ზუგდიდში, ლეიბორისტული პარტიის ლიდერი შალვა ნათელაშვილი ჩავიდა. ნათელაშვილმა გარდაცვლილის ოჯახის წევრებს მიუსამძიმრა და თანადგომა აღუთქვა.
“ის ტყვია მთელ საქართველოს ესროლეს. სასტიკად უნდა დაისაჯოს არა მარტო მკვლელი, არამედ თვითმარქვია თანამდებობის პირთა ის კორპუსი,რომელიც თარეშობს აფხაზეთსა და ცხინვალის რეგიონში და რომელნიც ახალგაზრდა თაობას ზრდის ქართველთმოძულეობის და მანიაკალურ საფუძველზე. უნდა აღიძრას მათ მიმართ სისხლის სამართლის საქმეები, ინტერპოლით გამოცხადდეს მათზე ძებნა” განაცხადა შალვა ნათელაშვილმა.
შეგახსენებთ 19 მაისს, რუსმა ოკუპანტებმა ოკუპირებული აფხაზეთის ტერიტორიაზე, კერძოდ ნაბაკევში 31 წლის გიგლა ოთხოზორიას ცეცხლი გაუხსნეს, რის შედეგადაც მძიმე ჭრილობების გამო ახალგაზრდა მამაკაცი გარდაიცვალა.
