საქართველოს შინაგან საქმეთა სამინისტრო 104 260 კგ შოკოლადსა და 125 კგ კარამელის კანფეტს ყიდულობს. უწყებამ ტენდერი ტკბილეულის შესყიდვაზე 22 თებერვალს გამოცხადდა. შესყიდვის სავარაუდო ღირებულება 1 058 989 ლარია.
სატენდერო დოკუმენტის მიხედვით, ტენდერი შოკოლადის და კარამელის შესაძენად, შსს-ს დაქვემდებარებული სამი უწყებისთვის გამოცხადდა:
შსს-ს ლოჯისტიკის დეპარტამენტი 76 260 კგ შოკოლადი და 110 კგ კარამელს ყიდულობს. სტრატეგიული მილსადენების დაცვის დეპარტამენტი – 5 500 კგ შოკოლადი და 15 კგ კარამელს, ხოლო სასაზღვრო პოლიცია – 22 500 კგ შოკოლადის შეძენას გეგმავს.
ტენდერში მონაწილეთა წინადადებების მიღება 10 მარტს იწყება და 15 მარტს სრულდება.
