საქართველოს პრეზიდენტმა გიორგი მარგველაშვილმა 175 მსჯავრდებული შეიწყალა.
როგორც შეწყალების კომისიის თავმჯდომარე ზვიად ქორიძემ განაცხადა, შეწყალებულთანგან 122 სასჯელაღსრულების დაწესებულებებს დღესვე დატოვებს, 53-ს კი, შეფარდებული სასჯელი შეუმცირდა.
ქორიძის განცხადებით, შეწყალებულებს შორის 14 ქალია. აქედან 12 დღეს დატოვებს სასჯელაღსრულების დაწესებულებას, ორს კი, სასჯელი შეუმცირდა.
მისივე თქმით, შეწყალების კომისიამ 13 დეკემბრიდან 20 დეკემბრის ჩათვლით, 1 142 პირის საქმე განიხილა.
რაც შეეხება ე.წ. კაბელების საქმეზე დაკავებულების შეწყალების საკითხს, ქორიძის ინფორმაციით, მათ პრეზიდენტისთვის შეწყალების თხოვნით არ მიუმართავთ.