თბილისში, საბურთალოს რაიონში, ინფრასტრუქტურული სამუშაოები ინტენსიურ რეჟიმში მიმდინარეობს.
თბილისის მერიის ინფორმაციით, ვაშლიჯვარსა და სოფელ დიღომში, სხვადასხვა ქუჩაზე მოეწყო სანიაღვრე სისტემები, დაიგო და მოპირკეთდა გზები.
მიმდინარე და დასრულებულ პროექტებს დღეს თბილისის მერი დავით ნარმანია რაიონის გამგებელთან, ბექა მიქაუტაძესთან ერთად გაეცნო და ადგილობრივ მოსახლეობას შეხვდა.
