სააკაშვილის საპრეზიდენტო ბიბლიოთეკის მასპინძლობით, SOCO-ს ფონდმა, დები ზარანდიების ხსოვნისადმი მიძღვნილი სტიპენდიის პროგრამა დაარსა, – ამის შესახებ საქართველოს ყოფილი პირველი ლედი, „ნაციონალების“ ზუგდიდის მაჟორიტარობის ყოფილი კანდიდატი, სანდრა (ელიზაბედ) რულოვსი „ფეისბუქის“ საკუთარ გვერდზე წერს. როგორც რულოვსის სტატუსიდან ირკვევა, გრანტი 8- თვიანი და მას ეკონომიურად გაჭირვებული 26 სტუდენტი მიიღებს, რომლებიც ქვეყნის სხვადასხვა უნივერსიტეტებში სწავლობენ. „ვიმედოვნებთ, რომ ეს სტიპენდია მათთვის კარგი და წარმატებული სწავლისათვის იქნება სტიმული,“ – წერს რულოვსი.