სამტრედიაში სოფელ დაფნარში გარდაცვლილი დემურ სტურუას ოჯახის წევრების განცხადებით, ექსპერტიზის პასუხში წერია, რომ თვითმკვლელობამდე სტურუა ნაწამებია.
“მარჯვენა ფეხზე და ენის მარცხენა მხარეს აქვს დაზიანებები. ექსპერტიზის პასუხში წერია, რომ ის ნაწამებია. დადასტურდა ასევე დემურ სტურუას თვითმკვლელობამდე დატოვებული წერილის ავთენტურობაც. ვითხოვთ, წერილში ნახსენები პოლიციელის გოდერძი თევზაძის დაკავებას, მაგრამ როგორც გავიგეთ ის გაქცეულია და მიმალული. თუკი ორმოცამდე არ იქნება დაკავებული უკიდურეს ზომებს მივმართავთ, მიცვალებულს ამოვთხრით და პოლიციასთან დავისვენებთ”, – განაცხადა დემურ სტურუას ბიცოლამ დარიკო ჯაშმა.
