სამსონ ქუთათელაძის საქმეზე დაკავებული პირის ოჯახი წლების წინ შპს ,,ერთობის” – რუსთავის ე.წ სტამბულის ბაზრის 7.5% ფლობდა.
,,ქრონიკამ” მოიპოვა 2002 წლის რუსთავის საქალაქო სასამართლოს დადგენილება სადაც შპს ,,ერთობის” წილებზე და დამფუძნებლებზეა საუბარი. დადგენილებაში მითითებულია, რომ დაკავებულის მამა, ზურაბ ჭანტურია ,,ერთობის” დამფუძნებელი და 7.5 % წილის მფლობელი იყო. შპს ერთობა 2004 წლის 24 ოქტომბერსაა დაფუძნებული.
შეგახსენებთ , სამსონ ქუთათელაძის მკვლელობის საქმის გამოძიების პროცესში დაკავებული პირი, გიორგი ჭანტურია უკანასკნელი იყო, ვინც გენერალი ნახა.
როგორც უწყებაში აცხადებენ, ერთი ადამიანი სისხლის სამართლის კოდექსის 236-ე მუხლითაა აყვანილი, რაც საბრძოლო მასალის მართლსაწინააღმდეგოდ შეძენა-შენახვას ითვალისწინებს.
თუმცა როგორც ქრონიკას დაკავებულის ადვოკატმა ალექსანდრე კობაიძემ განუცხადა იარაღი რომლის შეძენა-შენახვასაც გიორგი ჭანტურიას ედავებიან რეალურად მამამისის ზურაბ ჭანტურიას საკუთრებაშია.
შსს-ს განმარტებით, ამ ეტაპზე მიმდინარეობს დადგენა, რამდენად აქვს დაკავებულ პირს კავშირი უშუალოდ სამსონ ქუთათელაძის მკვლელობასთან.
