ცესკოს მონაცემებით საკრებულოს შუალედურ არჩევნებში 17:00 საათის მონაცემებით 12 033-მა ამომრჩეველმა მიიღო მონაწილეობა.
ცესკო-ს ინფორმაციი, შვიდ საარჩევნო ოლქში, სადაც არჩევნები ტარდება სულ 54 314 ამომრჩეველია რეგისტრირებული.
მათივე ინფორმაციით, ამომრჩეველთა აქტივობამ გლდანში 17:00 საათის მონაცემებით 11.2 % შეადგინა, გარდაბანში მონაწილეობა მიიღო ამომრჩეველთა 26,3%-მა კასპი – 40.3 %-მა, წყალტუბოში -50,4 %-მა, ოზურგეთში -49, 3%-მა ხობში – 44,7%-მა და ზუგდიდში 54,1%-მა.
ცესკო-ს ინფორმაციით, არჩევნები მშვიდ ვითარებაში მიმდინარეობს. საოლქო კომისიებში შეტანილია ათი, ხოლო საუბნო კომისიებში რვა საჩივარი. საარჩევნო ადმინისტრაციის ინფორმაციით, საჩივრები პროცედურულ უმნიშვნელო ხარვეზებს ეხება.
