სტამბოლში სახელმწიფო გადატრიალების მცდელობაში მონაწილე სამხედროები ტაქსიმის მოედანზე იარაღს აბარებენ. სააგენტო Reuters-ის მონაცემებით, იარაღი 30-მდე სამხედრომ მას შემდეგ ჩააბარა, რაც მათ შეიარაღებულმა პოლიციამ ალყა შემოარტყა.
ამას გარდა, Associated Press-ის ცნობით, ტაქსიმის მოედნის მახლობლად რამდენიმე აფეთქების ხმა გაისმა. სტამბოლის ცენტრალურ მოედანზე სამხედრო გადატრიალების წინააღმდეგ გამოსული დემონტრანტები არიან შეკრებული. თურქული მედიის ცნობით, ტაქსიმის მოედანზე მომხდარ შეტაკებას ცოტა ხნის წინ ორი ადამიანი ემსხვერპლა.
