“სახალხო დამცველმა უნდა მისცეს შეფასება იმ ფაქტებს, რასაც არაადამიანური მოპყრობა ეწოდება”

news
: news თებერვალი 25, 2016 14:36

“სახალხო დამცველმა უნდა მისცეს შეფასება იმ ფაქტებს, რასაც არაადამიანური მოპყრობა ეწოდება”

საპარლამენტო უმრავლესობის წევრ, ტყიბულის მაჟორიტარ დეპუტატ ელისო ჩაფიძის განცხადებით, ტყიბულში მაღაროელებს დამსაქმებელმა კომპანიამ ბოდიში უნდა მოუხადოს.

როგორც ჩაფიძემ „პირველ პრესკლუბში“ განაცხადა, ტყიბულში მაღაროელების გაფიცვა ისევ გრძელდება და გაფიცულებსა და დამსაქმებლებს შორის შეთანხმება ჯერ-ჯერობით მიღწეული არ არის.

დეპუტატის განმარტებით, დღეს ტყიბულში სახალხო დამცველი ჩავა, რომელიც დამსაქმელის მხრიდან დასაქმებულების მიმართ ჩადენილ არაადამიანურ ფაქტებს შეაფასებს.

„სახალხო დამცველმა უნდა მისცეს შეფასება იმ ფაქტებს, თუ როგორი დამოკიდებულება აქვს ადმინისტრაციას დასაქმებულების მიმართ, კონკრეტულად ღირსების შემლახავ დამოკიდებულებას ვგულისხმობ. მე ველოდები კომპანიის წარმომადგენლების მხრიდან კიდევ ერთხელ ბოდიში მოიხადონ იმ ფაქტებთან დაკავშირებით, რასაც ეწოდება არაადამიანური და ღირსების შემლახველი მოპყრობა თანამშრომლების მიმართ”, – განაცხადა ჩაფიძემ.

ტყიბულის მაჟორიტარმა აღნიშნული საკითხის მოგვარებაში პრემიერის ჩართულობა დადებითად შეაფასა და იმედი გამოთქვა, რომ ცალმხრივი კომისიის ჩართვა გაამართლებს და ეფექტური იქნება.

ჩაფიძის განმარტებით, მეშახტეები ხელფასის გაზრდასთან ერთად ითხოვენ, რომ ბიულეტენის ანაზღაურებაც მოხდეს შრომის კანონის დადგენილი წესებით.

news
: news თებერვალი 25, 2016 14:36

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,746
ვიზიტორი
დღეში
Powered By Google Analytics