საგამოძიებო სამსახურმა ყალბი დოკუმენტების დამზადება – გასაღების ფაქტზე ერთი პირი დააკავა

ქეთი ფერაძე
: ქეთი ფერაძე ნოემბერი 7, 2017 12:04

საგამოძიებო სამსახურმა ყალბი დოკუმენტების დამზადება – გასაღების ფაქტზე ერთი პირი დააკავა

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ – სამძებრო ღონისძიებებისა და საგამოძიებო მოქმედებების შედეგად, ყალბი დოკუმენტების დამზადება – გასაღების ფაქტზე, ბრალდებულის სახით, ერთ – ერთი ყოფილი კომერციული სასწავლო დაწესებულების ხელმძღვანელი დააკავა.

გამოძიებით დადგინდა, რომ ბრალდებულმა, მატერიალური სარგებლის მიღების მიზნით, დანაშაულებრივ კავშირში მყოფ სხვა პირებთან ერთად, დაამზადა და გაასაღა სამართალმცოდნეობის ბაკალავრის ხარისხის დამადასტურებელი ყალბი დიპლომი და სრული ზოგადი განათლების ატესტატი. აღნიშნული ყალბი დოკუმენტების სანაცვლოდ, ბრალდებულმა, ერთ – ერთი მოქალაქისგან 1000 აშშ დოლარი და 3 000 ლარი აიღო.

საქმეზე მიმდინარეობს გამოძიება საქართველოს სისხლის სამართლის კოდექსის 362 – ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 3 – დან 6 წლამდე ვადით. დანაშაულში მონაწილე სხვა პირების დადგენა – მხილების მიზნით ტარდება შესაბამისი ღონისძიებები.

ქეთი ფერაძე
: ქეთი ფერაძე ნოემბერი 7, 2017 12:04

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,430
ვიზიტორი
დღეში
Powered By Google Analytics