ინგლისური გამოცემა Financial Times თავის წყაროზე დაყრდნობით ავრცელებს ინოფრმაცია, რომ საბერძნეთი შეიძლება გარიცხონ შენგენის ზონიდან. როგორც გაზეთი წერს, ეს აზრი მუსირებს ევროპელი დიპლომატების და პოლიტიკოსების წრეში.
ევროკავშირის აღშფოთების მიზეზია არა იმდენად ეკონომიური პოლიტიკა, რომელსაც ატარებს საბერძნეთის ხელისუფლება, არამედ სუსტი კონტროლი გამშვებ პუნქტებზე და მკაფიო მიგრაციული პოლიტიკის არარსებობა. ეს ყველაფერი უფრო გამოიკვეთა მოზღვავებულისირიელი მიგრანტების ფონზე.
როგორც გაზეთი წერს, ამის გამო პარასკევს, ათენს შეიძლება წაუყენონ ულტიმატუმი, რის გამოც ის შეიძლება გარიცხონ შენგენის ზონიდან. ისედაც ცუდი ურთიერთობა თურქეთთან, საბერძნეთს იძულებულს გახდის, საბოლოოდ აქციოს ზურგი ევროზონას და რუსეთისკენ შეტრიალდეს. თუ გადაწყვეტილება იქნება მიღებული, ეს იქნება პირველი შემთხვევა, როცა სახელმწიფო გარიცხეს შენგენის ზონიდან.
ოფიციალური მონაცემებით, საბერძნეთის გავლით ევროკავშირში 700 ათასზე მეტი სირიელი მიგრანტი გადავიდა, რამაც დიდი აღშფოთება გამოიწვია ევროზონაში.
